"Rose par rimtui min thliah la; Hmangaihna rose par ngei kha, Suihlung dam nan e min hlan la Sakhmelmawi..." tiin an lo kurpui thin ngawih2 thin a.Hringnun hi a inthlakthleng thei mang e aw tih he thlalak ka neih atang hian ka ngaihtuah a. Ooty Rose Park kan kal tum (Ka vawili kalna) 2008 class tour ah hian Rose par chi hrang hrangte chuan ka mit a la tharin thinlung a tiharh sawng sawngin ka hria a, nidangah lem eng teh vaka ka ngaih ngai loh tehreng nen. Hun leh kum inher liam zel hian mihring nun pawh a lo her danglam zel a lo ni. Pathian thilsiam mawi leh nunna hlu tak takte hian chhut leh belhchian an lo dawl em em maite hi a va ropui em! Intihhlimna atan leh hunpui pawimawh lawmna atana ran- vawk, bawng, ar,etc nunna kan han la hmak hmak maite hi a chang chuan a inthlahrunawm ka ti thin. Tunah chuan ran mah nise a theih hram chuan an nunna laksak loh hi ka duh ber fo ta mai.
12 comments:
Hmmm.. va'n inla vai film vel ve a, changtupa (Govinda ni ta la..) huanah zai vel a, changtunu lo tlan phei tawr tawr se..
Ooty vel chu lunglenthlak ve khawp mai a.. Coonoor kal hi chuan kan han tlawh ve thla zen a.. Dodabeta tlang vel nen..
A ni khawp asiin. Pangpar te leh khawvel thing hnimhring tinreng te leh ranungte chenin kan nun tihlim tur leh kan thian atana siamte an nih lain, hmelma angmaia kan sawisa thin hi a pawi hle ani.Pangpar mawina testimoney thar i neih hi Pathian pek ngei anih kan ringin kan lawmpui ache.
Varte:Ekhaia...Govinda chu ka ang duh lo...a 'pa' lo em mai. Khalamah chuan thla eng lawmin tlangval hovin tingtang nen "rose par rimtui min thliah la..."an ti ve ngai em???
Kiamlova & Puii : Nia...keipawhin mak ka inti asin...hmanah chuan kan nu pangpar phun vete hi ka lo sam daih zel a, a hnawk riauvin ka hre tlat thin kha a ni sia! Zoram atangin mau rah ka hawn a, hei chennaiah ka phun a, ka en reng tawh mai, a lian ve tawh..hengte pawh hian min tihlim ve tlat zel mawle..
Ani khawp mai ngaihtuah lemlova a hlutna kan chhutchhuah loh kha Lalpan min hriattir hun a awm fo a ni ang. Kunga leh rose par sawivak hi tunhma kha chuan a inhmeh chiam lo.Mahse hei kan chhiar ta tlat si!
@Varte- I lo chhunzawm thui thei thin mang e. I kum pawhin helam zawnga lo thluk chu ala keng bawk a a awm e. Dolphin Nose, Kandal Cross shrine velte pawh mitthlaah an lo lang e Coonoor sawi takah chuan.
Ooty, Coonor tih hming vel hi pi leh pute ho hian in sawi thla nazen a, South India a hill station mawi,nuam leh hmingthangte niin ka lo hre ve, kal ve a chakawm ngei mai. Pu Kunga te chhung lah chuan bawkte an khawh lo chauh a nih hmel si a, i thu atang hian an rose parte pawh a mawi bik a nih hmel. Zorama kan 'wild flower' neihte erawh an tluk ang em le?!
ZL & Zairemthiama Pachuau : Nid Doldhine Nose, Lamb's Rockte kan kal a, nuam ve khawp mai.
Training collegea kan thawh lai chuan (ti ve khanglang ila) Coonoor kal kha a zing ve a, "Training College ICO" kan ti mai thin. Rose chi hrang a lo tam hle mai a, a par pawh a inang lo hlawm...An mawi khawp mai. Kan Chhawrpial Run par nen chuan ka khaikhin thiam chiah lo le...
Darrokima khum ke panga nei hi chu hmanah Lengzemah ka chhiar tawh alawm, ka hlimpui hle, Buannel ami pawh hi ka chhiar leh tho. Darrokima tih a lan tawh chuan a article ka hmaih ngei lo.. haha
@ZL - kei hi chu ka tlak leh duah thin alawm.
Rose pawh chu in va buaipui hlawm ve maw le. Kei chu phaitualhnim zinga pangpar te reuh te te kha rose ai chuan mawi ka la ti zawk tho mai. Kha ti khawpa te si kha a mawina ka hmu tham a, rose par tiat ni phei se chuan in hmu ve thei mahna, haha
Govinda chu a ang tak zet e.
@Fela- Thil te reuhte thleng maia a mawina haichhuak mi i ni hian 'mi ril' i nihna a tarlang. Thildang atan pawh hei hi a la tangkai zel ang tih ka ring e.
Govinda angin ka lam ziai ziai tawh mai dawn em ni chu aw....hehe
Ka click ka click kual a, i blog ka'n chhar nawlh chu! "Nangma siam ngat" blog i lo nei ta chu a ropui ka va ti tehlul em!
A romantic lam zawng chuan tluk loh rim kha i nam thin reng a ni:) Nice blog!
@faka: Nang elo!!! Wales lam chu enge a an zel? Nia hei in tih teuh tawh hnuah kan tlailam umpawng par anih hi...i that/i dam ka beisei e
Post a Comment