Lalpa ka lo kal

"Lalpa ka lo kal nangmah bel turin;Bualin silin min tleng la, I thisen hlu khan." Kum 20 zet Biakin lam hawi tawhlo mi hausa pakhat chuan Pathian biak inkhawma he hla an sak lai hian Biakin a rawn kalpel dawn mek a. Mahse kal zel thei lovin he hla hian a ko ding; chu hla an sak chu ngun lehzualin a ngaithla, a thinlung a hneh ta hle mai. Biakin chhungah a lut ta, chutihlai chuan a duh apiangte leh sual sima Pathian hnen pan duh apiangte tana inhlanna an siam lai tak a lo ni a. Mi tam tak sual sima Pathian hnena inhlan mekte zingah chuan a va inhlan ve ta a. Chutachin chu he simna hla hi a duhin a sa deuh reng ta mai a.
An tihdan pangngai angin a hnathawk kal tur chu a nupuiin kawngkaah a va thlah a, "Lalpa ka lo kal, nangmah bel turin..." ti chung zelin a hnathawhna lamah a kal liam ta a. Minute reiloteah kawngka an rawn kik dat dat a, a nupuiin kawngka a va hawn chuan a pasal nichin lawka an thlahliam chu vurkhal nalah a tluhlum a lo ni reng mai! Chhandamtu ke bula hruaitu hla chu a hringnun zinkawng tawp thlengin a sa ta a ni.
Nangmah chauhva i awmin, urhsun leh chhungrila tawngtai chungin he hla hi han sa ve teh...."Lalpa’n i hnenah thu a sawi ve em le...?"