Tun tum Zoram Assembly general election kan hmachhawn turah kum danga kan hriat lar lutuk loh kuminah kan hre chho ta a, media lamte hmalakna leh thahnemngaihna avangte pawh a ni ang, party hrang hrang candidate thusawi leh a duh apiangte tan zawhna zawh nghal theihin; zawhna chu candidate chuan a chhang nghal zel bawk ang (sapram-USA tihdan angin). A duh apiang live a en theihin veng hrang hrangah screen liana tihchhuah a ni bawk.
He thil hian a tha zawngin rah a chhuah ngei theihna atan ngaithlatuten ngun taka ngaihthlak leh an thusawi lo zirchiante, tin zawhna zawttute pawhin ram leh hnam hnuk khawih thei, Zoram hmalam hun atana khawthlir thui tak neia siam a tul ang.
Hei hi mipui leh political party pawhin a hman thiam chuan election campaign thianghlim lo leh fello tam tak leh hautak taka campaign neih thin hi a tiziaawm ngei dawn a ni. Tin, an policy leh manifesto theuhte mipuiin chiang taka an hriat bakah chungte chu vidoea record a lo ni tawh ang a, an hlawhtlin/mahni policya dingnghet leh nghet lo pawh mipuiin an judge tawh mai dawn a, a bik takin neutral voter hipna tha tak a ni lehzual thei ang a, mahni tanghma mai ni lo, ram leh hnam tana mi thahnemngai dik tak chuan he thil hi an tangkai pui ngei a rinawm a ni. Puitlin lam panna rahbi atan hmang ngei ila a duhawm hle.
Subscribe to:
Post Comments (Atom)
4 comments:
I awmna ram a hlat ngaihtuah chuan i ziak tha vei fu mai.. Vote thlak tura haw in rel deuh em ni?
Varte: Haw tum teh suh ei...nang zawk...vote i nei ve tawh em kha...i la naupang deuhva...
Vote hi maw, ka neih theihna a rei tawh lubuks... mahse vawi khat mah MLA ka la thlang lo nia.. kumin ID neih ve hnu-ah thlak pha leh mang si lo
@ Varte: Keipawh maw...High school ka kal lai hian politics lama tih chhoh ve hi ka rilruk a, ka inhmang ve khawp mai a, MLA election ah te pawh Poling Agentah ka thu ve kak a, mahse vote ka lo nei miah lo...Youth President atante chuan min la thlang leh nghal a...!!!
Post a Comment