Sunday, December 28, 2008

Adios 2008!

December ni hnuhnung ber a lo thlen tawh hi chuan Lalsangzuali (Fam) in mawi leh lungrun taka a sak ‘Kumhlui aw ding rih rawh..’ tih hla nen ni tla tur kan thlir liam ruai ruai thin anih kha, a va lunglenthlak thin em! Hun leh kum ral ta vawiin hian ka thlir kir a, krismas bawr vel leh kumhlui thlah zana hlim taka ka tlaivarpui thin thian thenkhattechuan mual min lo liamsan nual tawh mai. Hlim taka tual kan chaiho hunlaite mitthlain a chhuikir a, kum 30 zet ral tawh mahse nimin ral ta ang mai khan ka hriatrengna leh suangtuahna mitthlaah hian an la chiang em em a ni. Nu leh pate thlazar hnuaiah muang leh nghakhlel em emin Krismas hunpui lo thleng tur kan thlir a, tlangsam a rawn par a, thawmhnaw thar leh krismas ruai a hnai a ni tih kan hria a, kan rilru a zangkhai hle tawh thin anih kha!
Krismas ni a lo thleng a, in tinah chhangban ei tur a awm a, kurtai nen kan lek lawrh lawrh mai a, khangte khan krismas hi a ti masi bik em em thin.Krismas nia thawmhnaw thar; a thar rim la nam ram ram khawpa thar kan ha chhuak a, mahni kha nalh ber niin kan inhre theuh mai a, nuam ve tak a ni. Primary sikul kan kal thin laite kha aw...Sikulah aieng leh chi thak chawhpawlh kan han pai a, kan duhsak zawng thian thate bak kan liahtir phal lo, thenkhatin sawhthing an rawn pai thung a, tunlai sikul naupang thilpai nen chuan a inang lo hle mahse khatih hunlai kha chuan a tui thlawt a ni. Thian inkawmngeih tak e ti lo chuan rual u zawkte’n "chala chil hnawm hmasa sa..." an tih tawh kha chuan a tawpah inbakkaih a ngai leh nge nge thin. Class X zirlaia kan class hming ziah tlar hnuaia "Kan la ngai dawn mang e khuareiah" tih kan ziahte kha. A ngaite tein kha thuziak kha la awm mahse a hming neitute erawh tunah chuan kan kim thei tawh lo; thenkhat chhungpuinu an ni a, thenkhat sorkar hna tha tak thawkte, mahnia huan/lo neia taima taka hnathawkte...thenkhat thlanmuala kan thlah liam takte an ni. ‘Khuairei’ pawh anih hma hauhvin kan karah daidangtu an tam ta hle mai! Thinlung leh hriatrengnaa a daih hauh loh laiin kum in herliam zel erawh chuan khuarei leh hmanlai ah a chantir zel si a.
Ni e, hei hi hringnun lamtluang chu ani miau si. Hriatloh karin hun hi a lo liam zel a, kan thiante leh kan hmangaih kan nu leh pa, leh unaute pawh kan then a lo tul zel dawn a ni. Kum 2008 pawh kan thlah liam leh mek ta, he kum hian kan nunah thil tha leh hlimawm; hriatrengnaa cham hlen tawh tur tam tak min thlen ngeiin ka ring, kawng thenkhatah erawh chuan kohkir leh a siamthat chakawm tak tak thilte pawh kan tawk thei e. A tha leh tha lo lam atanga thlir pawhin kohkir leh duhna kan nei mai thei, amaherawhchu kohkir an ni tawh lo ang a; hriatrengnaa cham hlen tawh tur a tha leh tha lo lam pawh a hnutchhiah thung ang.
Englekhawle kum 2008 chu ‘Dam takin’ tia kan thlah liam a lo ngai dawn ta...Kan hun mualliam tur hi thlir kir ila;hun kal tawhte avanga lungleng leh khawhar leh inchhir avanga indawmkun mai lovin; kan hmaa chona awm hmachhawn turin ruahmanna felfai siam ila; hlawhchhamna leh hminghliauna kan lo nei anih pawhin hun/kumthar lo thleng tur hi Pathian kuta tlulut chungin beiseina sang zawk nen i pen lut ang u.

Friday, December 26, 2008

Chennai Mizo Christmas 2008

December 25, 2008 khan CMWA chuan Gurukul Theological college campus ah ChristmaS hlimawm tak kan hmang a, member 130 chuang kan kalkhawm a, Mizo tihdanin tual mei kan khuk a, fatuten taima takin eirawng an bawl...


Kan thalaite an inpezo hle, thenkhat phei hi chu December 24 atangin an rawn buai tran tawh...Vawksa, bawngchek, arsa leh mizo bai leh sehhmeh tui tak min buatsaih sak a ni



Pu Benjamin Sailo chuan nung takin inkhawm session hmasa min kaihruai a, tin Christmas banner hi Pu Tluanga & Pi Irene (te nupa) in nileng deuhthawin an rawn buaipui a, tlaiah kan zo thei hram, an inpekna azarah banner tha tak kan neih phah a ni
Nl Lucy-in inkhawm tanna hun a hmang mek a, ani hian hla min hril sak a,zai pawh a nuam viau mai





Major Lalliankunga CMWA Vice President-in Pathian thuchah a sawi a





Kan mikhuaL Lalmuanpuii leh kan fanu Sarahi ten special item an hmang mek....Immanuela tih hla an sa a ni




Zaikhawm leh intihhlimna hun hmangin kan nui tlang dar dar a, kan zaiho thrap thrap bawk...





Tv Francis leh Pu Tluangaten program hlimawm min neihpui mek a ni...








Eng tak sawi ve ni ang maw aw....







Tlailam a lo ni ta a..... ril a tam tan...sa rim leh mizo bai, sachek rim inpawlh mawi takin darkar thum chuang zet min ur hnuah ruai kan kil dawn tan....










Chaw ei turin kan intlar mek a ni...









Kan fatuten hneh takin mipuite mamawh an lo pe char char a, an taimain mit an tlung takzet mai...











Nimin lamah mamawhte lamkhawmin vawiin niah zing atangin an la buai char char a....anni zarah ruai kan threh thei a ni chauh zawk awm e...













Dim hauh lovin memberte an inhnawhkhat mek a ni...











A hlimawm hle...kumin ruai chu kan hnianghnar viau..a bangnawi leh khawih chet loh tam tak kan nei....a duh apiangin a bang awmte an hawn hlawm a, tlaipuar takin kan tin ta....














Saturday, December 13, 2008

Gurukul Adance Christmas

December 13, 2008 khan kan college chuan Advance Christmas kan hmang ve a, nuam ve khawp mai....Here there is a Light that enlightened the whole World! Oh! Christmas Tree....chuai ni reng i nei ve lo; thlasik leh thal, nipui leh furpuite kaltlang thin mahla, kan tan heng hunpui duhawm takah hian i mawina i rawn chhuah leh si thin!










Santa Clause...Krismas Putar....kan naupan lai chuan kan mut hlanin Krismas Putar hi kan inah lo kalin ksismas thilpek duhawm tak tak kha kan mut hlanin min rawn pe thin niin kan ngai a, kan thleng dahah thilpek a lo awm thin kha kan lawm hle thin a ni.








Santa with Kids!