Zoram Assembly general election lam bawk

Zoram chuan Assembly general election a hnaih chho ta tial tial zel a, politics kawngbovin ram leh mipui nasa taka a tihchhiat theih avang hian kohhran leh pawl hrang hrangte atanga inthlanna thianghlim leh felfai neih theihna tura thahnemngaihna auchhuahpui a ni thin a. Tun inthlan lo awm turah pawh hian campaign danah senso tlem zawnga chet leh mipui lam pawhin candidate leh a thuihruaite atanga beisei nei lova ngaihtuahna zahawm tak nen inthlan hi hmachhawn nise a duhawm hle. Invauna leh inrikrapnate hian Zoram politics hi a rawn luhchilh ve mai lohna turin political party, politician leh mipuite kan fimkhur a tul hle a ni Mipuite pawhin party ringawt ni lovin eng policy leh program nge an neih; chungte chu kan ram nen a inmilin implement theih tur chi a ni em tihte thlir a, Zoram tana tha tur thlanchhuah tum nise. Tin policy/program tha duanchhuah leh tihthlawhtlinna kawngah kan politiciante pawh intlansiak nachang hre tawh se a duhawm. Mipuite hian policy/program tha kan ngaihhlut thiam leh chawimawi thiam a, chumi tihhlawhtlinnna kawnga pressure kan neih thiam phawt chuan mahni thawhchhuah ni lo; central sum hmang hian state nuam tak kan siam theih a rinawm hle a ni.

Ngauhtuah zui atan:

'Politics hi politician hote kuta dah atan chuan a ngaihtuahawm lutuk a ni.'

Charles de Gaulle